दान दे, वरदान दे
दान दे, वरदान दे मज
आशिषे आव्हान दे !
आस दे, विश्वास दे अन् मनगटीला शक्ती दे !
मागणे
नाही न केवळ हीच तुजला प्रार्थना,
तव जगी या मुक्त
'मी'पण तूच मजला व्याप ना!
तुजविना तडपे मरु मी काळजा तो घाव दे!
आस तुझीया भेटीची, मज युक्ति दे मज
भक्ती दे !
आस दे, विश्वास दे अन् मनगटीला शक्ती दे !
दान दे, वरदान दे मज
आशिषे आव्हान दे !
आस दे, विश्वास दे अन् मनगटीला शक्ती दे !
आरक्ति दे विरक्ति ही अनुरक्तिची संपन्नता,
जग जळुनी झाले खाक तरीही 'ध्रुव'
असा
संकल्प दे !
मम
अंतरीच्या तव विचारा अजरत्व दे ! अमरत्व दे !
तव
होऊनिया जाहण्याचा मोद दे ! आनंद दे !
आस दे, विश्वास दे अन् मनगटीला शक्ती दे !
दान दे,
वरदान
दे मज आशिषे आव्हान दे !
आस दे, विश्वास दे अन् मनगटीला शक्ती दे !
आहुती घे ! दर्भ घे, घे घृतहवि 'अपूर्व'
दे,
अंतरीचा भाव घे, कर्तृत्व दे,
सामर्थ्य
दे |
होता बनुनी हव्य जीवन हे तुला अर्पिन मी,
आनंद केवल कर समर्पित आयुच्या यज्ञात या ||
No comments:
Post a Comment